ຜູ້ອອກແບບການສະແດງ (Show Designer) ສ້າງການສະແດງໃຫ້ເປັນທີ່ປະທັບໃຈຂອງຜູ້ເບິ່ງ ເພາະການສະແດງບໍ່ໄດ້ມີພຽງແຕ່ ໜ້າຈໍໂທລະພາບ ຮູບເງົາ ຫຼືລະຄອນເວທີ ແຕ່ການສະແດງເປັນສ່ວນສຳຄັນໃນງານຕ່າງໆເຊັ່ນ ການສ້າງຕີມງານ ການອອກແບບແສງສີສຽງ ໄປຄຽງຄູ່ກັບການໃຊ້ເທັກໂນໂລຢີເພື່ອໃຫ້ຜົນງານອອກມາເປັນທີ່ປະທັບໃຈຂອງຜູ້ເບິ່ງ

ຜູ້ຜະລິດເນື້ອຫາສື່ອອນລາຍ ແລະນັກສື່ສານການຕະຫຼາດ (Online Content Creator & Marketing Communication) ໂດຍທຸກມື້ນີ້ໂລກອອນລາຍມີສື່ແລະຄອນເທັ້ນໃຫ້ຕິດຕາມຫຼາຍຂຶ້ນ ຈາກໜັງສືພິມສູ່ຂ່າວອອນລາຍ ຈາກລາຍການໂທລະພາບສູ່ການຜະລິດຄອນເທັ້ນໃນ YouTube ຫຼື Facebook ສຳລັບຄົນທີ່ມັກຂຽນເລົ່າເລື່ອງຜ່ານຄອນເທັ້ນຢູ່ໃນສື່ທຸກ Platform ບໍ່ວ່າຈະເປັນການຂຽນຄອນເທັ້ນທັງແບບ Offline ແລະ Online ຈົນໄປເຖິງການຂຽນຄອນເທັ້ນເພື່ອເປັນການສື່ສານການຕະຫຼາດໃຫ້ກັບອົງກອນຕ່າງໆ

ນັກຂ່າວ ພິທີກອນ ນັກສະແດງ (Mc Actor&Actress) ແນ່ນອນວ່າອາຊີບນີ້ອາດຈະເປັນອາຊີບໃນຝັນ ຂອງຫຼາຍໆຄົນທີ່ຮຽນນິເທດສາດ ເປັນອາຊີບທີ່ຕ້ອງໃຊ້ທັກສະ ແລະຄວາມສາມາດສູງສຳລັບອາຊີບນີ້ ໃນການດຳເນີນລາຍການ ຫຼືການຖ່າຍທອດອາລົມໄດ້ທຸກຕົວລະຄອນທີ່ໄດ້ຮັບບົດບາດການສະແດງ ເປັນອາຊີບທີ່ຕ້ອງໃຊ້ໄຫວພິບ ແລະທັກສະສ່ວນໂຕສູງ

ຜູ້ອອກແບບງານອີເວັ້ນ ແລະງານວາງສະແດງ ( Event and Exhibition Designer) ບໍ່ວ່າຈະເປັນງານອີເວັ້ນຫຼືງານວາງສະແດງຕ້ອງມີຜູ້ອອກແບບຫຼືວາງແຜນເພື່ອໃຫ້ງານອອກມາເປັນລະບົບເຊິ່ງຕ້ອງອາໃສຄົນສາຍນິເທດສາດທີ່ມີຄວາມຄິດສ້າງສັນໃນການອອກແບບງານສາຍນີ້

ຜູ້ກຳກັບຮູບເງົາ ໂຄສະນາ ແລະມິວສິກວີດີໂອ ( TV Advertising and Music Video Director) ເປັນອາຊີບທີ່ຫຼາຍຄົນໃຝ່ຝັນນັ້ນກໍຄືຜູ້ກຳກັບຮູບເງົາ ໂຄສະນາ ແລະມິວສິກວີດີໂອ ຕ້ອງມີແນວຄິດສ້າງສັນ ເລື່ອງ ຄວບຄຸມການຖ່າຍ ໄປຈົນເຖິງການຕັດຕໍ່ ເພື່ອໃຫ້ຜົນງານອອກມາໃຫ້ຜູ້ເບິ່ງໜ້າຕິດຕາມ ເບິ່ງໄດ້ຕໍ່ເນື່ອງ ແລະປະທັບໃຈຜູ້ເບິ່ງ

ຜູ້ຂຽນບົດ ລະຄອນ ຮູບເງົາ ໂຄສະນາ ( Script Writer) ສ້າງເລື່ອງໃຫ້ໜ້າສົນໃຈ ແລະໜ້າຕິດຕາມ ຕຳແໜ່ງສຳຄັນທີ່ທຸກ Platform ຂາດບໍ່ໄດ້ ເພາະເປັນຄົນທີ່ກຳນົດເລື່ອງລາວນັ້ນໆ ທີ່ຕ້ອງການຖ່າຍທອດອອກມາ ຕຳແໜ່ງນີ້ສາມາດນຳເອົາທັກສະໄປຕໍ່ຍອດເຮັດວຽກໄດ້ທຸກ Platform ທັ້ງງານ Production ຮູບເງົາ ການຜະລິດຄອນເທັ້ນໃນ Platform ຕ່າງໆ ເຊັ່ນ ຂຽນສະຄຣິບລາຍການ ຂຽນບົດໂຄສະນາ ຂຽນສະຄຣິບໂຊໃນງານສະແດງຕ່າງໆ ໂດຍຕ້ອງອາໃສ “ບົດ” ເພາະເປັນຫົວໃຈສຳຄັນໃນການສ້າງສັນງານທັງໝົດ

ຊ່າງຖ່າຍພາບ (Photographer) ການຖ່າຍພາບເປັນທັກສະພື້ນຖານທີ່ເດັກນິເທດທຸກຄົນຕ້ອງມີ ຂື້ນຢູ່ກັບພອນສະຫວັນ ເອກະລັກ ແລະຄວາມມັກຂອງແຕ່ລະບຸກຄົນ ອາຊີບນີ້ກໍສາມາດສ້າງລາຍຮັບໄດ້ບໍ່ນ້ອຍເຊັ່ນດຽວກັນ ເພາະບາງຄັ້ງການຖ່າຍພາບກໍຕ້ອງໃຊ້ຈິດວິນຍານ ອາລົມສິນລະປິນ ແລະຄວາມຄິດສ້າງສັນສູງ