ວຽກດ້ານ Programmer & Developer ຫຼາຍຄົນອາດຈະຮູ້ຈັກ ແລະ ຄຸ້ນເຄີຍກັນເປັນຢ່າງດີກັບວຽກດ້ານນີ້ເພາະເປັນສາຍວຽກທີ່ກ່ຽວກັບໄອທີໂດຍກົງ ທີ່ໄດ້ຮັບຄວາມນິຍົມຫຼາຍ ຄົນເຮັດວຽກສາຍນີ້ຕ້ອງມີທັກສະການຂຽນພາສາທາງຄອມພິວເຕີ້ເຊັ່ນ ພາສາ C, C+, Java, COBAL, IOS, Android ເປັນຕົ້ນ

ສາຍວຽກ Graphic Design ຕ້ອງເປັນຄົນທີ່ມີທັກສະທາງດ້ານສິນລະປະການອອກແບບດ້ວຍຮູບພາບ ໂຕອັກສອນ ແລະພາບເຄື່ອນໄຫວເພື່ອໃຊ້ໃນການສ້າງຜົນງານອອກແບບ ໂດຍສື່ສານຜ່ານຮູບແບບສື່ສິ່ງພິມ ສື່ Digital ເຊັ່ນ Brochure, Poster ໜັງສືຕ່າງໆ ເພື່ອເຮັດສື່ໂຄສະນາສຳລັບໃຊ້ໃນການສື່ສານການຕະຫຼາດທັງ offline ແລະ online

ສາຍວຽກ Website Design & Developer ສາຍວຽກທີ່ສຳຄັນແລະເປັນທີ່ຕ້ອງການຂອງຕະຫຼາດແຮງງານອີກສາຍໜຶ່ງຂອງວຽກໄອທີ ເນື່ອງຈາກ Website ປຽບດັ່ງໜ້າບ້ານຂອງແຕ່ລະອົງກອນເຊິ່ງຕ້ອງການຜູ້ສ້າງ ແລະເບິ່ງແຍງ ຄົນເຮັດວຽກສາຍນີ້ຕ້ອງມີຄວາມເຂົ້າໃຈແລະທັກສະການໃຊ້ Program ກ່ຽວກັບ Web Browser ຕ້ອງຄວບຄຸມແລະວາງລະບົບໂຄງສ້າງຂອງໜ້າບ້ານໃຫ້ສອດຄ່ອງກັບລະບົບຂອງອົງກອນ

ສາຍວຽກ IT Support ຜູ້ເບິ່ງແຍງດ້ານເຕັກນິກຖືວ່າເປັນວຽກສຳຄັນ ເປັນຕຳແໜ່ງທີ່ທຸກອົງກອນຕ້ອງມີ ແລະຂາດບໍ່ໄດ້ເນື່ອງຈາກເປັນຄົນທີ່ຕ້ອງເບິ່ງລະບົບການເຮັດວຽກ ທັງ Software ແລະ Hardware ລະບົບ Network ເຂົ້າລະບົບເທັກໂນໂລຢີຂັ້ນພື້ນຖານ ການເຊື່ອມຕໍ່ແລະການຕິດຕໍ່ສື່ສານພາຍໃນອົງກອນເພື່ອໃຫ້ຜູ້ໃຊ້ງານບໍ່ຕິດຂັດ

ວຽກ IT management & Project management ຄືຕຳແໜ່ງລະດັບຜູ້ບໍລິຫານໂຄງການ ຕ້ອງໃຊ້ຄວາມຮູ້ແລະເຕັກນິກດ້ານໄອທີສູງ ນອກຈາກນີ້ຍັງຕ້ອງເຂົ້າໃຈໃນການເຮັດທຸລະກິດ ມີທັກສະດ້ານການວາງແຜນ

ສາຍວຽກ Cyber Security ມີໜ້າທີ່ຕ້ອງລະວັງ ແລະຄວບຄຸມຂໍ້ມູນຂ່າວສານຂອງອົງກອນໃຫ້ໝັ້ນຄົງປອດໄພ ດ້ວຍການພັດທະນາ Software Hardware ແລະເທັກໂນໂລຢີເພື່ອປ້ອງກັນການໂຈນລະກຳຂໍ້ມູນ ຫຼື Hacker ໂດຍຜູ້ເຮັດວຽກສາຍນີ້ຈຳເປັນຕ້ອງມີທັກສະຫຼາຍຢ່າງເຊັ່ນ Programing, Network, System

ສາຍວຽກ Data Science ປັດຈຸບັນນີ້ຖານຂໍ້ມູນ Big Data ຖືວ່າມີຄວາມສຳຄັນຫຼາຍໃນການເຮັດການສື່ສານການຕະຫຼາດໄປຍັງກຸ່ມເປົ້າໝາຍເພາະສາມາດສຶກສາຮຽນຮູ້ຄວາມມັກຄວາມນິຍົມຂອງຄົນໄດ້ຈາກ Big Data ເຊິ່ງຄົນທີ່ເຮັດວຽກສາຍນີ້ຄືມີໜ້າທີ່ວິເຄາະຂໍ້ມູນເຫຼົ່ານັ້ນທີ່ໄດ້ເກັບກຳແລະສຶກສາພຶດຕິກຳຂອງກຸ່ມຄົນດັ່ງກ່າວມາວິເຄາະແລະພັດທະນາສິນຄ້າຫຼືບໍລິການໃຫ້ຕອບໂຈດກຸ່ມເປົ່າໝາຍ